Sipendi kuitwa Mbappe, namkubali Suarez

• Safari ya Yanga, Mikononi mwa Dube
• Simba na Yanga nani anaongoza kuweka mpira kwapani.
• Yanga Waweweseka! Gamondi Nje!
• Fadlu Tunaamini anawapa Ubingwa Wekundu
• Manuel Neuer ana umri sawa na uchambuzi wa soka kwa kompyuta

Kelvin John amekiri mwenyewe kuwa hafurahishwi na mashabiki kumuita Mbappe, na angependa afahamike kama Kelvin yeye kama yeye. Mshambuliaji huyu ambaye ameng’ara na kikosi cha Serengeti Boys, ameitwa pia katika kikosi cha awali cha Taifa Stars. Fuatilia mahojiano kati ya Kandanda na Kelvin John hapa chini.

Kandanda : Mashabiki wanapenda sana kukuita Mbappe, huwa unajisikiaje ukiitwa Mbappe?

Kelvin John : Kwanza kabisa sipendi kuitwa Mbappe.

Kandanda: Kwanini hupendi kuitwa Mbappe?

Kelvin John : Kwa sababu kwanza kabisa Mbappe ni mchezaji mkubwa tumemuona amefanya vizuri kwenye mashindano ya kombe la dunia na anaendelea kufanya vizuri.

Pili, Mbappe ni mchezaji mkubwa sana sijamfikia alipo Mbappe, nashukuru sana kwa mashabiki kuniita Mbappe.

Na kuniona nacheza kama Mbappe lakini kwangu mimi sipendi kufananishwa na mtu ambaye sijamfikia kwa chochote kile.

Mimi napigana ili siku moja watu waniite Kelvin, ili mchezaji fulani afananishwe anavyocheza kama mimi, kwa hiyo sipigani kuwa Mbappe napigana kuwa Kelvin.

Kandanda : Ni mchezaji gani ambaye huwa unamfuatilia mara kwa mara?

Kelvin John : Namfuatilia Luiz Suarez .

Kandanda : Kwanini ?

Kelvin John : Kwa sababu napenda anavyocheza, anavyofungua kuomba mpira na anvyofunga.