Sambaza....

Ni miongoni mwa ligi pendwa barani Africa na duniani kwa ujumla. Ligi ya mabingwa imekua ikiteka hisia za Waafrika wengi kutokana na utamu wake lakini pia jinsi ambavyo wachezaji kutoka mataifa mbalimbali ya Barani humu wakifanya vizuri wakiwa na klabu zao.

Wapo wachezaji wengi Wakiafrika waliotamba Ulaya lakini sio wote waliofanikiwa kufanya vyema katika Ligi ya Mabingwa haswa katika upachikaji wa mabao. Walikuepo kina George Weah, Nwanko Kanu, Bennie Macathy, Jajay Okocha, Nwanko Kanu, Emmanuel Adebayor, Didier Drogba, Samweli Etoo halafu kikaja kizazi cha kina Mo Salah, Sadio Mane, Riyadh Mahrez, Vicent Aboubacar na Victor Osimnieh.

Emmanuel Adebayor

Kwa mujibu wa mtandao wa Goal.com hawa ndio wachezaji watano Waafrika vinara wa mabao katika Ligi ya Mabingwa Ulaya.

5. Riyad Mahrez

Akiwa bado yuko katika kinyang’anyiro cha kuongeza idadi ya mabao 16 msimu huu, Mahrez ameshiriki katika michuano ya klabu bingwa barani Ulaya akiwa na Leicester City na Manchester City. Ingawa ameshinda mataji matatu ya Ligi Kuu na taji la Afcon, Ligi ya Mabingwa imesalia kuwa ngumu kwa Mahrez na City ya Pep Guardiola.

Riyadh Mahrez

4. Sadio Mane

Akiwa amefunga mabao 22, mabao 13 kati ya Mane yametoka katika hatua ya mtoano, ambayo ni zaidi ya Lionel Messi tangu kuanza kwa msimu wa 2017-18. Mshambulizi huyo ametoa mchango mzuri sana kwa mechi mbili za Liverpool hadi fainali, haswa dhidi ya Bayern Munich ugenini mnamo 2019 na alikuwa mshindi wa UCL baadaye mwaka huo.

Sadio Mane

3. Samuel Eto’o.

Samuel Eto’o amefanikiwa  kufunga mabao 33, Eto’o ndiye mchezaji wa Kiafrika aliyefanikiwa zaidi katika historia ya Ligi ya Mabingwa, akiwa ameshinda taji hilo mara tatu. Bingwa mara mbili akiwa na Barcelona—alipofunga bao katika fainali zote za 2006 na 2009—Eto’o pia amefanikiwa kupata mafanikio akiwa na Inter Milan  baada ya kuhamia Italia.

Samwel Etoo akishangilia goli katika mchezo wa fainali ya Ligi ya mabingwa dhidi ya Manchester United.
YouTube player

2. Mohamed Salah

Mohamed Salah Mchezaji mwingine aliyefunga bao kwenye fainali ya UCL, Salah alifanikiwa kufunga bao 2019 wakati Liverpool ilipoilaza Tottenham Hotspur kwenye fainali. Ilikuwa ni faraja kubwa kwa fowadi huyo wa Misri, ambaye uzoefu wake wa mwisho mwaka 2018 ulimalizwa kwa huzuni na Sergio Ramos. Kwa sasa akiwa na mabao 36, wanatarajia nyota huyo wa Pharaohs kuongeza mabao machache zaidi kwenye hesabu yake kabla ya msimu huu kumalizika.

Didier Drogba akifunga goli mbele ya walinzia wa Bayern Munich katika mchezo wa fainali ya Ligi ya Mabingwa.

1. Didier Drogba

Didier Drogba alisifiwa kwa matokeo ya Chelsea katika fainali ya Ligi ya Mabingwa 2012, Drogba alifunga bao la dakika za lala salama na mkwaju wa penalti wakati Chelsea ilipoilaza Bayern Munich kwenye uwanja wao wa nyuma. Mshambulizi huyo sio tu kwamba aliweka alama yake katika mechi kubwa zaidi katika historia ya The Blues, lakini pia alionyesha uthabiti wake kwenye kinyang’anyiro hicho, akifunga mabao 44 katika muda wake wote akiwa na Chelsea, Olympique de Marseille na Galatasaray.

Sambaza....